30/05/2007

كل الرسائل تنشر كما هى وبدون تصحيح للأخطاء الإملائية أوالنحوية

اسمله على العويله (حيكايه بأسلوب شعبي) *

نبي نحكى أحكاية أوليد من بنغازي الله يرحم ولديكم أنشروها خدمه للأطفال المحقونين بالايدز.

فيه أوليد من بنغازي مسكين وجار عليه الزمان وحصل شوية ايدز من ممرضات بالغاريات وطبيب فلسطينى يريد يعالج من شوية حرارة حصل هال ايدز واسمه أنيس ناصر البقلول وعمره 15 سنه والغريب ان هال وليد سلم من الطبيب الي يبى يجرب فيه أشوية ايدز تقتل بعدين غير ان الموضوع خشو فيه ناس آخرين وطالبين الشهره حتى على هال مسكين اللي صارلا حادث وضرباته سيارة يوم 12/3/2007 تكسرة جمجمتا وصارلا نزيف داخلى وتهتك عندا البوسمه اللي هو زى مايقول الطبيب الطحال وفزعوا دكاترته من اسبيتار الجلاء اللي عندهم كل شى ان كان زرق عليهم شى خبر من جرت السيارة اللي كسرة هالوليد وقالو ندرو له عملية استصال طحال واللي يسمو فيها انقاذ حياه..

شوية أدخل واحد من آبهات العويله ويقلوله حسنى الشبلى وراهو صاحب مروه فى الحشيش والسكير وقلة الحياه حتى لما تشوفه تعرفا قليل حياه والقرمه والفتنه مانحكلكش عليها وعندا قضايا ومحاضر وجدات ساكته عليهن مركز الشرطه مش عارف لايش خايفين منا ولا كيف.. المهم خبر مدير المركز اللي تصرف عليه الدولة بشويه أشويه وتأثث فيه ومازال خبر واجد ناقص فيه اللي يفكرولا البزنسه كيف يخشو فيه..

المهم وقاله يا دكتور عمران الفيتورى يامدير مش خير نجيبو العيل هنا وندرولاء العمليه بيش يقولو فيه خدمه للعويله وتغطى علينا مصاريف الزرادى والبزنس اللي درناه و اللي جاى... وقول ماصدق الدكتور عمران الفيتورى بدون مايفكر حتى دقيقه لانه سمع كلام مديره حسنى ونسى شهادة العلميه ومكانته و اللي عابى عليه أمين اللجنة الشعبية العامه للصحة الدكتور محمد راشد وحطه فى هال مكان لان ألاخ الأمين يبى يريح رأسه من موضوع العويله وخلاص أو يبي يبزسنس أمعه لما صار للمركز ميزانيته الخاصة وبدون مايختار واحد كويس يخدم هال العويله..

الحصيل عدى اللي انقله حسنى ويسوق فى سيارة الاسعاف وجاب العيل من آسبيتار الجلاء واللي مازالت أمدوختنى كيف يسلموه له والعيل قريب يموت وينزف من جوه والحصيل كلم الدكتور عمران باقى المتخصصين فى العمليه وداروها والحمد لله اللي ستر و مازرقة عليهم شى أوعيه دمويه متهتكه ولا اعروق مقطعات ولا اعضام مدششات ومش عارف كيف يرقعوهن فى أدويرة العمليات اللي فى المركز اللي قالولنا عليه بعد جبونا واللي ماتقدر ديرفيها حتى عملية فار من فيران الصابرى..

المهم تكلمو المتخصصين فى العمليه وداروها وقالو يادكتور عمران راهو نبلغوك دار ألعمليه هذى ماتصلح لعمليات انقاذ الحياه رآه الموضوع فيه حياة انسان حتى الأجانب يرحموا الحيونات مابالك بروح انسان عارفين شن دار فيهم بعد ماقاللا بي ألعويله حسنى الشبلى هال جماعه يبو يخربوا عيلينا موضوع البزنس بعد مالقينا افجوه نهالبو منها اشوية أقريشات بيش نصرفوهن وتقول الاسر فيه من يخدم فينا فى المركز..

المهم سمع كلامه وطير دكتورين من المركز كنا فى حاجه لهم زى ماطير قبلهم و الباقى سكت وقال المدير فى هال مركز حسنى الشبلى مش عمران الفيتورى اللي حطا محمد راشد وعابى عليه وكيف يادكتور عمران يعطيك وجدانك بعد قسم اليمين الله علي شهادتك الطبيه تسمح لواحد حشاش يقودك فى تسيرك للمركز قنلانا معلاش بس يخليك أدير عمليه فى دويره ياما تبى من معدات هذى كبيره مانقدر نسكت عليها باهي اللي مامات فيها هال العيل المسكين وكأنك خائف على ألعويله رآك خليتهم دروها فى أسبيتار الجلاء خير وان كان زرقة عليها حاجه رآه ستروك.

* وصلت هذه المشاركة الينا بدون إسم