10/07/2007

كل الرسائل تنشر كما هى وبدون تصحيح للأخطاء الإملائية أوالنحوية

تعقيب علي مقال الدكتور الهادي شلوف \بالعامية

الاخوة ليبيا المستقبل... تحية طيبة وسلام

قرات باستغراب مقال الدكتور الهادي الذي يدعو فية الي هجرة اخواننا العرب الي الجماهيرية السعيدة ففي البداية يدعونا القذافي الي الهجرة الي افريقيا والدكتور يدعو الي هجرة الافارقة الي ليبيا. واللة عيب يا دكتور نقعدوا نشحتوا في العرب وزنوج افريقيا بيش ايغيرولنا النظام السياسي. وخلاص ماعاش فية حل الا عتد المصرية اللي سلموا رقاب معارضينا والله المغاربة واللة السوادين استحي يا دكتور الدول العربية كلها تشتغل مخبر للقذافي واتحداك اهو سيب فرنسا وتعال عيش لاجي في مصر واللة تونس او الجزائر او المغرب او السودان وشوف روحك وين يصبح صبحك واللة ايدزوك الي ليبيا في اشوال ويشنقوك في الزنتان ولا تنفعك قرنسا ولا بريطانيا ولا حتي امريكا.

فكنا من المزايدات والفلسفة الطوباوية يا دكتور الانظمة العربية وشعوبها راهى طرف المؤامرة والشعوب العربية المحيطة بينا كلها اتمنى القذافي يبقي 100 سنة يمصوا فيها وكالة بلا بواب العربي يا هادي ايجي لليبيا اجرب ما عنداش مليم يسكن في ارزاق الناس المنهوبة بالبلاش ويسرق الكهرباء من اول عمود بالبلاش وايدير افلوس وما يدفعش عليهن مليم ضرائب وفي النهاية يا ايروح لبلادة يا ابعدي في مركب لايطاليا لان الضرائب والكهرباء علي الليبيين فقط.

العرب يا دكتور في ليبيا ماعادش ايسبحوا بحمد اللة ايسبحوا بحمد القذافي ولعلمك كلهم في اللجان الثورية مو لابد يحموا الواغمة امتاعهم من الشعب المقهور واللة انسيت يا دكتور خوتنا الفلسطينيين اللى كان واجعتا حالهم اشتغلوا مرشدين للجان التصفية في اوروبا وبعدين اتجى يا دكتور وتقول العرب اى عرب اللي تحكي عليهم وتقول ليبيا سكانها اشوية. تص ليبيا امهاجرة برة يا دكتور وانت واحد منهم كنك ما تروح اهو نضيفوا للتعداد واحد والا اثنين . بدون فلسفة ووجهات نظر ومدرسة شيكاغو مشكلة ليبيا مش في تعداد السكان واللة تنوع الثقافة مشكلة ليبيا في شخص فسد كل شئ جميل فيها واستعان علي ذلك باخوتنا العرب المحيطين بنا اى دول الجوار الفقراء الشحاتين والذين يكنوا لليبيا حقد دفين منذ ان اختصها اللة بنعمة البترول من دونهم واذا انت عايش في فرنسا بلد الديمقراطية والقانون فنحن مازلنا ما نسيناش كلام التوانسة لنا علي الحدود وبعيون شامتة يا ليبيين يا شحاتين واللة كلام المصرية هو انتو جوعتوا كلام شماتة ورحم اللة محمود بوقويطين الذى يقال انة كان ينوي بناء جدار من الاسلاك الشائكة بين ليبيا ومصر.

يا دكتور العداوات بين الانظمة من السهل تذويبها ولكن العداوات بين الشعوب تبقي مدي الدهر والليبيين وانا واحد منهم ما نحبوا حد وخصوصا اخوتنا المحيطين بينا انهالوا علينا كا لجراد سرقونا ونهبونا بل وتبولوا لنا حتى في الخبز الذي ناكلة وتوا جاي اتقول لي نبو منهم عشرين مليون. لاباس.

كما اسلفت يا سيدي مشكلة ليبيا في شخص وراة دول ولا اقول هتا امريكا يا ريت وراة امربكا وراة اسرائيل يادكتور وراة احقر ملة علي وجة الارض وهذا اللي منعكس علي تصرفاتة والشعب الليبي وقع في الفخ اسرائيل والعرب الشحاتين اللي حضرتك تعزم فيهم ايتفضلوا عندنا . فلهذا ادعو كافة اطياف المعارضة الي التظاهر والاعتصام امام السفارات الاسرائيلية في اوروبا وامريكا علي الاقل العالم يعرف ان الليبيين مش مغفلين ومضاحك علي الاقل تحدث ضجة حتي في وكالات الانباء خلوا نحرقوا كرت ها العميل اللي يتحدث بعمالتة القاصي والداني وراهو حتي امريكا ما تقدر اتديرلة شئ والدليل لوكربى رمالهم واحد من المخابرات واشوية فلوس دية اسكتوا مع اتهم يقدروا ياخذوا ليبيا كلها اسكتوا لانهم عارفين من وراة وكذلك فرنسا وطائرة اليوتا جو يشحتوا وكانهم يشحتوا في دولة عظمى والانجليز وايفون فلتشر اللي عيني عيتك وطلعوا جماعة المكتب من وسط بريطانيا وسكوتلانديارد وم6 وم5 وطز في الانجليز والبوليس واتت تعلم يادكتور الشرطية لو قتلتها السي اي اي لما مر الامر بدون محاكم فقط ليبيا واسرائيل يحق لهم فعل ما يريدون وهذا يذكرنى بما حدث للسيدة ماري روبنسون رئيس منظمة حقوق الانسان عندما زارت اسرائيل للاطلاع علي احوال الفلسطينيين فاطلق عليها مستوطن النار واصاب سيارتها الغربب لم يقدم المستوطن للمحاكمة. هذوم اليهود يا دكتور وبالنسبة لليبيا العملية اصبحت مفضوحة.

وفي الختام اوجة ايضا دعوة للامير محمد للمشاركة في الاعتصلمات المشار اليها خصوصا بعد مقالة المثير للاحباط والذي اعطي فية القذاذفة وثيقة براءة هتاك امور اهم ياسمو الامير يفترض التحدث فيها والي ياتي اليوم الذي نري فية ليبيا لليبيين يا دكتور والليبيين فقط الذين سالت دمائهم الطاهرة في اوغندا وتشاد وعلي الحدود المصرية والتوتسية وعلي اعواد مشانق الصهاينة في رمضان اللة العزيز.

لكم يا ليبيا المستقبل اطيب الامنيات

والسلام عليكم
ادريس